صحيح انك بعد قلبي حزين وخاطرك مكسور
تبي نرجع مثل أول خلاص طحت من عيني
خلاص راحت أيامك وعلي ماتلف وتدور
ترى بانت ألاعيبك ومعادك ساكن فيني
أشوفك صرت متغير وحتى بكلمتك مجبور
خسارة ضحكتي واياك خسارة مدت يديني
أول كان تعرفني حبيب وطيب وميسور
وحتى كنت متسامح على اللي بينك وبيني
خلاص الأول اتحول ولا ظني يجيك الدور
ولاظنيت تلقاني في يوم فيه تدعيني!
أنا مليت من طبعك وكفايه شفت منك الجور
ودور لك عذر ثاني تجيني فيه ترجيني
مكانك في نظر عيني تراك بآخر الطابور
لأني يابعد قلبي أشوفه شي يرضيني